Мој.МКБ нуди брз и лесен пристап до целосни и точни информации за вкупните финансиски обврски и други финансиски показатели за правните субјекти и граѓаните.
Сопствен извештај е документ во писмена или електронска форма, изготвен врз основа на податоци за обврските на физичките или правните лица, доставени од Давателите на податоци.
Преку овој извештај може да се провери дали и каде едно физичко лице има обврски по основ на кредити, жирантства, дозволено пречекорување на трансакциски сметки, платежни картички, даноци, телекомуникациски услуги, услуги од областа на енергетиката, комунални давачки, обврски по основ на користење на други услуги, како и да се провери историјата на доцнења на секоја обврска поединечно во период од последни 24 месеци.
Во Сопствениот извештај се содржани истите податоци за блокада на трансакциска сметка во реално време кои се наоѓаат и во Извештајот за блокада на трансакциска сметка.
Секое физичко лице може да побара и добие Сопствен извештај само за себе лично. Сопствениот извештај се добива онлајн преку МОЈ.МКБ порталот со отворање личен кориснички профил на следниот линк, или лично во било која експозитура на Централна Кооперативна банка АД Скопје и Силк Роуд банка АД Скопје, ширум земјата.
Доколку е блокирана, наведени се континуираните денови на блокада со детали за сите блокади и тоа: број на предмет за блокадата, во која банка е блокадата, број на сметка, износ на блокадата, основ на блокадата и датум и време кога е извршена блокадата. Податокот за блокада на трансакциска сметка од Единствениот регистар на трансакциски сметки се добива во реално време, односно во моментот на генерирање на извештајот.
Секое физичко лице може да побара и добие Извештај за блокада на трансакциска сметка само за себе лично. Извештајот за блокада на трансакциска сметка се добива онлајн преку порталот МОЈ.МКБ, со отворање на личен кориснички профил на следниот линк МојМКБ (mkb.mk) , или лично во било која експозитура на Централна Кооперативна банка АД Скопје и Силк Роуд банка АД Скопје, ширум земјата.
Промени за кои се добиваат известувања:
1. Нова обврски
2. Затворање на обврска
3. Нова обврска како жирант или кокредитобарател
4. Промена во активиран жирант или кокредитобарател
5. Затворање на обврска како жирант или кокредитобарател
6. Неплатени обврски со доцнење над 30 дена
7. Неплатени обврски на кредитен корисник над 90 дена на кои сте жирант или кокредитобарател
8. Побаран извештај за Вашата задолженост (при аплицирање за услуга)
Промените се чуваат за последните 5 години од првата претплата на АСИС пакет. Евидентираните промени се прикажуваат и доколку пакетот е неактивен.
*Под обврска се подразбираат обврски за кредити, лизинг, гаранции, акредитиви, кредитни картички, лимити на трансакциски сметки, девизни сметки, даноци, придонеси, телекомуникациски услуги, откупени побарувања, фактури за комунални и останати услуги.
Пораките се испраќаат на e-mail адресата на корисникот внесена при регистрација на интернет порталот Мој.МКБ МојМКБ (mkb.mk).
Дали е ова вистинскиот момент за започнување на нова бизнис зделка? Постои ли начин на кој може да се дознаат потребните информации за идниот бизнис -партнер, но и моменталната финансиска состојба на сопствената фирма? Или можеби не сте сигурни дали сте ги подмириле сите обврски, задолжувања, кредити, заборавени сметки…
Веќе 15 години Македонското кредитно биро претставува една од клучно потребните алатки во кредитната индустрија, со преку 6 милиони релевантни информации во делот на обврските
ДОАЃА ВРЕМЕ НА ФИНАСИСКА НЕИЗВЕСНОСТ И ЗАДОЛЖЕНОСТ СО ШТО СЕ ВЛЕГУВА ВО ВРТЛОГ – ОД ЕДНО МЕСТО ЗЕМАТЕ НОВ ЗА ДА ГО ИСПЛАТИТЕ ЗАОСТАНАТИОТ ДОЛГ.
